How to Write Unique Content For Your Blog

Jab aap ek new blog create karty han to har koi aap ko yehi advise karta ga k aap apny blog par original content add karen, but in this matter, new blogger aksar fail ho jaty han kyun k wo nahi janty k original content kesy write kiya ja sakta hai. New bloggers ye soch kar mayoos ho jaty han k Aaj kal internet par almost har topic har thousand of real post mil jati han jo information se full hoti han, koi bhi topic writing k liye nahi bacha, or phir un ki post ki Google k nazdeeq kya importance hai.
Ye bat to sahi hai k koi bhi topic un k liye spare nahi hai, Isi liye kisi bhi topic par original content write karna kaafi difficult hai, yehi reason hai k mostly bloggers copied contents post karty han ta k apny blog ki traffic increase kar saken or traffic to kuch period tk increase ho bhi jati hai but agar aap k blog par zyada content copied ho ga to Google aap ko apni search me bhi block kar dy ga.
Recently buhut se users ne muje email ki thi, k wo blogging chorh rahy han kyun k apny blog par only single original content bhi find karny me kamyab nahi ho rahy, So aaj me un ko is important question ka jwab deta hon.

Meaning of Original Content:
Now a days, Internet blogs se bhara parha hai but un me se mostly blog par other blog k creative ideas or copied articles hi publish howe nazar aaty han, Technically hum is ko “plagiarism” kehty han, Is liye yad rakhen k koi bhi content “Original” nahi ho sakta jb tk wo given instructions k mutabiq na ho.
1. Write karny me aap ka apna idea ho.
2. Usy write karny k liye aap ne apna creative mind use kiya ho.
3. Content kisi bhi site se copied na ho.
4. Us ka text aap k apny words me ho.

Is there Any Scope to write Original Content:
New bloggers ek doosry se yehi question pochty han jis ka answer ye hai k “Han, Aap ek acha original content apny blog par post kar sakty han”.
Ek hi topic par writing karny waly 2 authors k articles same nahi hoty, kyun k un ki soch, mind level, education status or Jis environment me wo life spend karty han wo different hoti hai, yehi reason hai k un k words k sath sath un k ideas bhi different hoty hain, Har koi apny experience k mutabiq suggestions dy ga jis se article same topic par hi fresh fresh lagy ga, or agar ideas ka plagiarism check kiya jay to 99.9% article copied ho sakty han.
Isi waja se Google sirf articles ki unique wording ko filter kar k apny search result page me display karta hai, Esa karna Google k standard ko maintain rakhta hai kyun k agar user ko Google ki search me ek hi tarha k articles nazar aaen ge to wo Google par search karna hi fazool khyal kary ga.

Don’t fear to Create Original Content:
I think k new bloggers original content create karny ko time waste samajty han, kyun k un k khyal me wo kaafi time waste kar k original or real content create karty han, or jab usy publish karty han to un k content other bloggers chura kar apny blog par publish kar dety han.
Kuch new blogger khud ko bohut smart samajty howe blog par javascript use karty han, Jis se user right click kar k un k content ko copy nai kar sakta, But I think “Jis ne aap ka content copy karna ho wo bohut se other methods use kar sakta hai”, Is liye  publish karny k bad tension na liya karen. Here I want to clear k jo bhi content aap ne create kar k publish kiya ho, Wo aap k publish karty hi automatic Google k record me aa jata hai, Usy koi thief chura nai sakta, New bloggers copy kar bhi len to wo content aap ka hi rahe ga.

Tips to Write Original Content:
Aap koi bhi article write karen, yahan kuch instructions di gae han jin ko follow kar k aap apny content ko original or unique bna sakty han.
1. Hameesha article apny hi words me write karen ta k Google filter me un ki reality qaem rahy.
2. Apna creative mind use karen ta k aap k article me new ideas include ho jaen.
3. Ek hi topic par same content bar bar write kar k publish mat karen, balky ek jesy topic par write karny k liye different information provide karen ta k reader ko boring na ho.
4. Apny blog k all contents ko update rakhen, yani agar kisi topic par koi new search release hoe hai to aap us se related article ko update zaroor kar den.
5. KAbhi bhi kuch bhi write karny se pehly related topic par research kar len, kyun k aap k readers ko aap par trust hota hai k aap unhen right information provide kar rahy han or jab ye trust khatam ho to aap k users aap ko read karna chorh den ge.
6. Hameesha jo bhi bat aap karen us ka proof bhi sath hi provide karen, Is se ek to users ko aap ki bat samajny me aasani ho gi or second ye k wo aap par believe karen ge k aap ki total information right hoti han.
7. Agar kisi condition me aap kisi other blog ya site ki information apny blog par reference k liye share karna chahen to aap k liye zaroori hai k us statement ka full credit us k asal owner ko den.

Keep in Mind:
Aap apny jesy ek hi han or aap to original hi haan, Is liye apni marzi se koi sa bhi topic choose karen or us par likhna start kar den, Jb start kar len ge to aap ko bohut se new ideas bhi aaen ge jin ko aap poori emaan dari se apny user tk punchaen ge.

[AdSense-A]Finally, Me to yahan ek hi baat kahon ga k “Kisi ko khud se above dekh kar Apni originality ko change na karen kyun k koi or kabhi bhi aap ka role aap se better play nahi kar sakta”.
Mera kaam to aap ko right way btana tha, So Ye sub read kar k agar aap me blogging ka passion howa to aap zaroor kaamyab hon ge, or agar aap sirf bohut se pesy earn karna chahty han to may be k aap apna goal hasil na kar sako, kyun k pesy kamany k liye aap ko is dunya ko kuch na kuch interesting zaroor provide karna parhy ga.

---